برنامج....مشاهير

كاميرا واحد........اجهز

كاميرا اتنين...........نور

هات الشاى هنا يا سباعى .......

كله يستعد..............

اكشن

المذيع: سيداتى ..انساتى..سادتى.........مشرفين واعضاء منتدى ابناء مصر..

مساء الخير فى برنامجكم الجديد جدا (مشاهير فى عش الهدهد) اللى

بيلمع يعنى ولا جزمة اللواء.

احنا النهاردة معانا نجمة...بس مش اى نجمة.....نجمة خلت الواقف قاعد..والقاعد

واقف....والنايم صاحى ...والصاحى مغم عليه. ...

هى...طويلة القوام...قصيرة المقام ...جميلة المنظر...هيفاء الطول (هيافة اللحن

والكلمات ايضا)....هى نجمتنا المحبوبة من شباب الوطن العربى..(ومكروهة من

ستات الوطن العربى بارضه) ...نجمتنا النهاردة لابسة فستان ملعلع, لونه......

لو انت عندك تليفزيون ابيض واسود ..هتشوفه اخضر......لو انت عندك تلفزيون ملون

هتشوفه اسود ان شاء الله.. ......نرحب كلنا بنجمتنا هيفااااااااااااااااء وهبى..

تصفيق حار

المذيع (فى سره باستغراب): لا حول ولا قوة الا بالله, الولاد قطعوا ايديهم من التصفيق

والستات ولا هما هنا ....ايه دة؟؟؟؟؟؟؟؟....فيه واحدة قاعدة

تقور بتنجان هناك ...مااااااااااااا علينا..)

المذيع:هيفا...هيفتى..قصدى نورتى البرنامج النهاردة..

هيفا: مرسيه كتير ...مرسيه كتير...انا خجلانة من الكلام ياللى عمال بتقوله على من

بداية البرنامج .

المذيع (فى سره بنرفزة):لا والله واضح..انا اسف نسيت انك بتنكسفى..وش كسوف

اوى يا هانم)

المذيع:طول عمرك رقيقة وبتنكسفى اوى يا هيفا..دة انتى حتى بتتكسفى كل شوية

بدرجة فظيعة....كل الناس تتكسف من ناس زيها او وشها يحمر...انتى بتتكسفى

من هدومك..كل ما تتكسفى تقلعى .

هيفا: والله يا عمرى..الدنيا عنكون بمصر كتير كتير حر

وعندنا بلبنان كتير كتير حر

وفى اى بلد كتير كتير حر.....

بقولك يا عمرى.ما تحب تشوف فساتى الجديد..كتير كتير بيطير العقل ..

المذيع (فى سره): كتير كتير حر؟....الهى يولع فيكى بحق جاه النبى.

المذيع مبتسما لهيفا:وطبعا الفستان احب اشوفه اكيد..احم ..احم..اكيد فى الكليب

الجديد اللى بتحضريه .

هيفا (بابتسامة واثقة): لااااااااااا الكليب الجديد له خمس فساتين كوووووووول

بيعقدوا...بيجننوا...بيخبلوا ..

المذيع: هيفا انتى فى بداية ظهورك اتهموكى بانك مغنية للعرى والاغراء اكثر منه فن

ايه رايك فى الكلام دة؟؟؟؟؟

هيفا (بدلع): اووووووووووووه....عم بقولك الناس كلها تغير منى ومن جمالى اللى ما اله

حدود....طيب انا راح نقولك ايه الحكاية...انا طول عمرى دلوعة واحب الدلع..
المذيع (فى سره): الهى تدلعى فى نار جهنم .

هيفا تكمل:....واول كليب ليا كان ملابسى كلها كلها محترمة...وما نجح ها الكليب..

فقلت ما بدهاش...لازم الناس تشوف دلعى..لان دلعى انا كتير كتير مهضوم..

(بدلع زيادة حبتين)...هههههه..ولا انت شو رايك عمرى؟...

هههههههههههههههههههههههه..(ضحكة رقيعة)..

المذيع: (بابتسامة صفراء):

طبعا طبعا مافيش كلام.. .

قوليلى يا هيفا..فيه اشاعة منتشرة بتقول انك بتعملى عمليات تجميل

كتيرة وجمالك دة مصنوع..مش حقيقي عنى..وكمان ايه حكاية شفايفك

اللى فرقعوا من الضغط الجوى فى الطيارة؟؟ ؟؟

هيفا: يوووووووووه...عم بقولك الناس كلها تغير منى...انا جسمى حلو من غير عمليات

وبعدين ايش المشكلة لو الواحدة تفكر كويس فى شفايفها..ورجليها..ورقبتها..

وعنيها..وبطنها..ولمؤاخذة ولمؤاخذتين وتلات لامؤاخذات؟؟(تلعب حاجبيها )

المذيع : طيب ياهيفا ..بصراحة كدة...انت بتعتمدى فى اغانيكى على جسمك ولا دلعك..

ولا لا سمح صوتك؟؟؟؟

هيفابدلع زيادة تلات حبات) ايه ياعمرى..انت بتقول ايه؟؟ التلاتة طبعا ولا انت شايف

غير هيك؟....هههههههههههه (ضحكة اخرى رقيعة)..

المذيع (فى سره): الله يحرقك ويحرق هيك.

المذيع: طيب وايه موضوع اغنية (انا هيفا انا)..اللى بيقولوا انك سرقتيها من لحن

اغنية الفنان محمد ثروت..(مصر يا اول نور فى الدنيا شق ظلام الليل")؟؟

هيفا: انا هيفا ....انا اشهر دلوقتى...وبعدين الناس عندها محمد ثروت من زمان...عملوا

ايه يعنى...انما انا شوف الناس بتعمل معايا ايه. ..

المذيع : لا الصراحة بتعمل البدع..

هيفا: اغنيلك شوى ...

المذيع( بارتباك): آ آ آ آ آ آ آ آ آ آ آ آ آ آ آ

هيفا: انا هيفا انا...انا ام عيون حلوين انا..انا هيف...

المذيع(مقاطعا): وسوف نكتفى بهذا القدر من الاغنية الفظييييعة الخاصة بهيفا. .

ونلتقى فى حلقة اخرى...مع مشهور اخر...فى برنامج